撰文：業餘空少飛sun｜圖片來源：業餘空少飛sun

空少爆料合集｜細數飛機上醉酒乘客怪異行為Top 4　飲大咗可以玩到幾盡？

醉酒乘客怪異行為合集

**大家搭飛機盡量不要飲酒，要為自己的行為負責任，飲酒傷身。曾經發生過醉酒乘客搞到飛機緊急降落兼留案底的案例，大家應引以為鑑。

01. 基本級：嘔喺廁所門口

最基本的醉酒乘客行為就是生理反應，飲到頂了，就四圍嘔！廣東話俗稱「劏咗」。通常醉酒的乘客嘔完就冇事，舒服晒，但這種情況卻為全機人帶來噁心的經歷，全部人一齊「陪葬」。短途機都算，長途機真係好難頂啊！嘔吐物全地都是，發出惡臭，真辛苦了清潔人員。

02. 幻覺級：以為自己講緊電話

除了生理上的反應之外，曾經也有醉酒乘客戲劇大師上身，以為自己講緊電話，大聲叫囂，時不時騷擾到其他乘客，十分擾人！

03. 失控級：在地上爬

另一個level就是失控級，見過最滑稽的醉酒乘客就是變成四腳爬爬，在機艙的主路上面爬住走動，乘客一臉惶恐。空少我見到都覺得頭痛啊！

04. 痴漢級：隨處便溺！！

空少我見過最癲的醉酒乘客，就是將以上級別集於一身的痴漢級！嗰次由遠處已經聽到一把女仔聲大嗌：「唔好唔好……」我見狀即時《衝鋒21》上身，奔向嗰把女仔聲發出之處，發現……

在旁有一名酒醉的男士，原來想在機上到處便溺！！！嚇到在附近的女仔大嗌…… 我喺佢除緊褲嗰時，即刻阻止這件事發生，不禁歎一口氣。

真的太過分喇！奉勸大家一句：「搭飛機唔好飲咁多酒。」